Achterhoekse pubquiz

Op de Zwarte Cross bu’j midden in d’n Achterhook, ’n gebied met ’n kats eigen cultuur en taaltjen. Starker nog: ’t Nedersaksisch dat hier wodt e-sprokken, is older dan ’t standaard Nederlands!

Meen ie dat ie alles van den Achterhook afwet en wi’j dat wal ’s laoten zien? Of stao’j te springen um meer aover dat gekke volkjen dat zo good kan brekken en angaon te wetten te kommen? Doe dan met an de Achterhoekse Pubquiz! In een stief half uurken vuurt streektaalfunctionarissen Diana Abbink en Marije Stomps van ’t Erfgoedcentrum Achterhoek en Liemers – ’t streektaalinstituut veur ’t Nedersaksisch in Gelderland – vraogen op ow af. De winnaar krig ’n echten Achterhooksen pries!